Kultuur

Laerskool Hermanus het 'n wonderlike kultuurprogram. By ons skool is ons toegewyd daaraan om die kreatiewe vonk by elke leerder aan te steek deur 'n ryk verskeidenheid kulturele aktiwiteite aan te bied.

Ons glo dat kultuur 'n noodsaaklike komponent van 'n volledige skoolervaring is, en ons het 'n reeks inspirerende geleenthede om leerders se verbeelding aan te wakker en hul talente te ontwikkel.

Die skool bied die volgende kulturele aktiwiteite aan:

Juniorkoor
Senior Koor
Musiekopvoeding
Redenaars – (ATKV)
Spraak en Drama (Interne Eisteddfod)
- Voordrag (gedigte)
- Mimiek
- Openbare Rede
- Monoloog
- Dialoog
- Onvoorbereide lees
Marimba band
Kunssentrum Naskool
Talentkompetisies / Dramagroep (Gr 6-7)
Konserte/Revue (by geleentheid aangebied)
Kultuur Interskole: Vanaf 2025 vind die eerste Kultuur Interskole Kultuuraand tussen Laerskool Hermanus en Laerskool Courtrai plaas. Hierdie glansryke aand bied ‘n ideale geleentheid om die kulturele uitnemendheid van beide skole in ‘n ontspanne atmosfeer te vier, sonder die druk van formele kompetisie.
Skryf
FAK (Federasie vir Afrikaanse Kultuurvereniginge) Ons moedig leerders aan om in te skryf in verskeie kategorieë naamlik Kuns, Voordrag, Redenaars, Kreatiewe Skryfwerk, ens.)
Dans – deel van graad 7 se kurrikulum
Interne spelkompetisies

Juniorkoor

Die junior koor maak sang en musiek ‘n belewenis vir die leerders.
Die junior koor bestaan uit leerders van graad 1 – 3. Slegs leerders wat oudisies geslaag het, kan lid van die koor word.

Koormeester: Mej Lesinda Malerbe-du Toit

Oefentyd: Woensdag, 13:14 – 14:15

Senior Koor

Die senior koor poog om musikale waardering by leerders te kweek en stemontwikkeling te bevorder. Die senior koor bestaan uit leerders van graad 4 – 7. Slegs leerders wat oudisies geslaag het, kan lid van die koor word.

Musiekopvoeding

Musiek vorm ‘n integrale deel van die samelewing en die waarde en betekenis wat musiek tot ‘n kind se opvoeding sowel as ontwikkeling toevoeg, kan nie oorbeklemtoon word nie. Liefde vir musiek word gekweek wat lewenslange vreugde gaan verskaf.

Redenaars

Ons missie is om goeie taalgebruik en selfvertroue te bevorder onder leerders. Ons skep ook die geleentheid om ‘n toespraak voor publieke gehore te lewer – voorwaar ‘n vaardigheid wat ‘n leerder lewenslank sal bevoordeel. Intern Redenaarsmiddae word ter voorbereiding aangebied om ‘n geleentheid aan baie leerders te bied en ook om te bepaal wie kwalifiseer, bv. vir die ATKV Redenaarskompetisie .

Spraak en Drama

Spraak en drama bied kinders die geleentheid om hulself in ‘n veilige kreatiewe omgewing uit te druk. Dit gee kinders die geleentheid om hul selfvertroue, empatie, verbeelding, samewerking, kommunikasie en nog baie meer te ontwikkel.

Interne eisteddfod-geleenthede word deur die jaar verskaf.

Die Grondslagfase se interne middag vind gewoonlik in Kwartaal 2 plaas en die Gr 4-7 middag in Kwartaal 3.

Tussendeur word ook interne sosiale praat-/debatmiddae aangebied, hoofsaaklik vir graad 6- en 7-leerders.

Hermanus
Primary School